|
1998 թվականից գործող «Նարեկ» մշակութային հաստատության շրջանակներում գործում է «Նարեկ» ամենօրյա մանկապարտեզը։ Այն նախատեսված է 2-5 տարեկան երեխաների համար, որոնք շաբաթը 5 օր հաճախում են մանկապարտեզ, ստանում համապատասխան կրթություն և հրաշալի հայեցի դաստիարակություն։
|
Մոտ 90 հայ երեխաներ ամեն օր «Նարեկում» շփվում են իրենց հասակակիցների հետ և ուրախ ժամանակ անցկացնում մաքուր ու լուսավոր, ինչպես նաև ժամանակակից ոճով կահավորված խմբասենյակներում ու բակում։
|
|
|
Երեխաների կրթության ու դաստիարակության, գիտելիքների և ուսուցման համար անհրաժեշտ ամեն ինչով ապահովված մանկապարտեզը տարեցտարի լայն ճանաչում է ստացել և իբրև մանկական լավագույն հաստատություն՝ արժանացել է թե՛ լոսանջելեսահայության, և թե՛ Հայաստանի Հանրապետության Սփյուռքի և Մշակույթի նախարարությունների բարձր գնահատականին։
|
Մանկապարտեզում երեխաները մնում են օրական 8-9 ժամ։ Այստեղ սնվում են, քնում, խաղում իրենց համար նախատեսված հրաշալի խաղահրապարակում։ |
|
Ամեն տարի մանկապարտեզը դպրոց է ճանապարհում 30-40 երեխա։ Նրանք մասնակցում են տարեվերջյան հանդեսային ծրագրին, որն ամեն տարի աննախադեպ հաջողություն է գրանցում։ Ավարտական հանդիսավոր արարողության ժամանակ նրանք ստանում են իրենց ավարտական վկայականները։
Narek Day Care Graduation 2017
|
|
